Chiptalarni rasmiylashtirishda fuqarolar temir yo‘l chiptaxonalariga bormasdan onlayn xarid qilish imkoniyati mavjud, deb yozadi “O‘ztemiryo‘lyo‘lovchi” AJ matbuot xizmati.

Buning uchun eticket.railway.uz sayti yoki Android va iOS ilovalaridan foydalanish kerak bo'ladi.

Chiptalarni onlayn rasmiylashtirish mutlaqo xavfsiz. Barcha ma'lumotlar, jumladan, pasport va bank kartasi raqamlari, so'nggi xavfsizlik standartlariga muvofiq, xakerlik hujumlaridan himoyalangan.

Chiptalarni qaytarishda esa sayt yoki ilovadagi shaxsiy kabinetga kirib, “Chiptani qaytarish” tugmasini bosish lozim.

“O‘ztemiryo‘lyo‘lovchi” AJ yo‘lovchilar haqida qayg‘uradi va ularga qulayliklar yaratishda davom etadi", - deb yozadi korxona matbuot xizmati.