Экология, атроф-муҳитни муҳофаза қилиш ва иқлим ўзгариши вазирлиги ташаббуси билан юртимизда 25 март — “Ер соати” куни муносабати билан махсус акция ўтказилиши кўзда тутилган.

Бугун сайёрамизга ғамхўрлик қилиш, атроф-муҳитни асраш мақсадида давлат ташкилотларида электр жиҳозлари бир соатга ўчирилади.

Вазирлик барчани ушбу акцияда фаол иштирок этишга ва 60 дақиқага электр энергиясидан фойдаланмасликни таклиф қилган. Бу билан ҳар бир шахс табиатни асраб-авайлашга ўз ҳиссасини қўшиши ва бошқаларни ҳам она-заминга ғамхўрлик қилишга руҳлантириши мумкин.