Ўзбекистонда деҳқон бозорлари ва савдо мажмуаларида “нархларнинг асоссиз оширилиши” юзасидан мониторинг ўтказилмоқда.

Тошкент вилояти ҳокимлиги матбуот хизматининг маълум қилишича, Тошкент вилояти департаменти (тахминан, Бош прокуратура ҳузуридаги Иқтисодий жиноятларга қарши курашиш департаменти) ходимлари маҳаллий ҳокимият органлари билан биргаликда нархлар ошиш тенденциясига эга бўлиши мумкин бўлган товарлар нархларининг кунлик мониторингини олиб бормоқда.

Шунингдек, прогнозлар шакллантирилиб, унинг натижаларига кўра бошқа вилоятлардан маҳсулот олиб кириш бўйича қарорлар қабул қилинади, дея аниқлик киритди ҳокимлик.

Тошкент шаҳар Чилонзор тумани ҳокимлиги маҳаллий фермер бозори ва «Магнум» савдо мажмуасида “нархларнинг асоссиз оширилиши” юзасидан мониторинг ўтказилгани ҳақида хабар берди.

Хусусан, савдо расталаридаги маҳсулот сифати ва нархи ўрганилиб, мутасаддилар “нархлар асоссиз оширилишига” йўл қўймаслик юзасидан огоҳлантирилди.

Декабрь ойида Рақобат қўмитаси йирик савдо тармоқларига Янги йил байрами даврида озиқ-овқат нархлари барқарорлигини таъминлаш бўйича топшириқ берган эди. Ритейлерлар етказиб берувчилар томонидан нархларнинг эҳтимолий ўзгариши ҳақида хабар беришлари керак бўлади.

Бундан олдин қўмита ўзбекистонликларга чегирмалар ва сотувлар ҳақида мурожаат қилиб, сохта акциялар тарқалганини таъкидлаган эди. Тадбиркорларга истеъмолчиларга аниқ маълумот бериш, шунингдек, қоидабузарлик учун жавобгарлик ҳақида эслатиб ўтилди.