2030 йилги жаҳон чемпионати тарихда биринчи марта учта қитъада — Европа, Африка ва Жанубий Америкада бўлиб ўтади.

ФИФА кенгаши Испания, Португалия ва Марокашнинг турнирни ўтказиш учун ягона номзод сифатида қўшма таклифини қабул қилди. 1930 йилда Уругвайда бўлиб ўтган биринчи жаҳон чемпионатининг 100 йиллиги муносабати билан  учта ўйин Уругвай, Аргентина ва Парагвайда ўтказилади.

"Бўлинган дунёда ФИФА ва футбол бирлашмоқда. Бутун футбол оламини ифодаловчи ФИФА кенгаши бир овоздан 1930 йилда Уругвайда бўлиб ўтган ФИФА жаҳон Кубогининг 100 йиллигини энг муносиб тарзда нишонлашга қарор қилди," - деди ФИФА президенти Жанни Инфантино.

Жанубий Американинг учта мамлакати турнирнинг дастлабки учта ўйинини ўтказади. Бошланғич ўйин Монтевидеодаги Estádio Centenário стадионида ўтказилади.

Турнирни қабул қилаётган барча олтита мамлакатнинг миллий футбол жамоалари автоматик равишда 2030 йилги жаҳон чемпионатига йўл олишади.