Markaziy saylov komissiyasi Oliy Majlis Qonunchilik palatasi va mahalliy Kengashlar deputatlari sayloviga tayyorgarlik jarayonida elektron ovoz berishni joriy etish va saylov jarayonining shaffofligini ta’minlashga qaratilgan chora-tadbirlarni faol amalga oshirmoqda.

Komissiya yig‘ilishida ayrim saylov uchastkalarida elektron ovoz berishni tajriba shaklida tashkil etish va ovoz berish jarayonini onlayn video translyatsiya qilish choralari muhokama qilindi.

27 oktyabr kuni bo‘lib o‘tadigan saylovda foydalanish rejalashtirilgan elektron ovoz berish moslamasi 37 mamlakatda ijobiy sinovdan o‘tgan bo‘lib, bu saylovchilar uchun qulaylikni oshiradi va ovozlarni hisoblash jarayonini tezlashtiradi. Ushbu chora-tadbirlar qonun ustuvorligini ta’minlash va saylov komissiyalari ishini optimallashtirishga qaratilgan.

Sinov tariqasida Toshkent shahrining ayrim uchastkalari saylovchilari ovoz berishning an’anaviy va elektron shakllaridan birini tanlash imkoniyatiga ega bo‘ladilar, shuningdek, saylov byulletenlarini elektron qurilmalar yordamida to‘ldirish tartibi ham belgilanadi.

Bundan tashqari, ovoz berish jarayonining onlayn translyatsiyasi taqdim etiladi, bu qo‘shimcha shaffoflikni ta’minlaydi.

Xalqaro tashkilotlardan kuzatuvchilarni akkreditatsiya qilish interaktiv “e-Salov” tizimi orqali davom etmoqda, bu ham saylov jarayoniga bo‘lgan ishonchni oshirishga yordam berishi aytilmoqda.