30 aprelda qabul qilingan 70-sonli Prezident Farmoniga muvofiq dastur doirasida subsidiyalar to‘lashning amaldagi tartibiga ayrim o‘zgartirishlar kiritildi.

Bunda:

- subsidiyalar ajratish yuzasidan arizalar tasdiqlangan parametrlar doirasida 2024 yilning 15 mayidan 1 noyabriga qadar qabul qilinadi;

- 2024 yilgi dastur doirasida ajratiladigan kreditlar bo‘yicha foiz to‘lovlarining bir qismini qoplash uchun subsidiyalar – 12 foizdan oshgan qismiga, 2025 yil va undan keyingi yillar dasturlari doirasidagi kreditlar bo‘yicha esa – Markaziy bankning asosiy stavkasidan oshgan qismiga to‘lanadi;

- birlamchi uy-joy bozoridagi kvartiralarni sotib olish uchun ajratilgan ipoteka kreditlari bo‘yicha dastlabki badalning bir qismini qoplash uchun subsidiyalar – 2024 yilgi dasturdan boshlab qat’iy belgilangan 30 million so‘m miqdorida to‘lanadi.