Portlash guvohlari osmonda yorqin sharsimon chaqnash aks etgan videoni ijtimoiy tarmoqlarga joylashtirdilar.

BBC xabariga ko'ra, portlash Oksfordshir okrugida, oziq-ovqat chiqindilarini biogazga aylantirish bilan shug'ullanadigan Severn Trent Green Power kompaniyasining zavodida sodir bo'lgan.

Kompaniya bergan bayonotda, 2-oktyabr kuni kechqurun Kassington zavodidagi rezervuarlardan biriga chaqmoq urgan. Natijada gaz portlab, yong'in sodir bo'lgan. 

Portlashda hech kim jarohat olmagani aytilmoqda. Favqulodda vaziyatlar xizmati voqea joyida ish olib bormoqda.